ទន្ទឹមនឹងការប្រឹងប្រែង និពន្ធបទថ្មី ពីសំណាក់សិល្បករខ្មែរ ក្នុងនោះ តារាច្រើនដួង ក៏ទទួលបានការគាំទ្រតបស្នងវិញពីសំណាក់បងប្អូនខ្លាំងដែរ។ ពួកគេទាំងនោះមានបទជាច្រើនដែលនិពន្ធដោយខ្លួនឯង ប៉ុន្តែ Sabay សុំលើកយកបទ Original មួយចំនួនដែលទទួលបានការគាំទ្រខ្លាំងប៉ុណ្ណោះ៖
ហេង ពិទូ ផ្ទុះខ្លាំងបទ “ទីបំផុត” ចេញកាលពីខែធ្នូឆ្នាំ២០១៥ មកដល់ពេលនេះមានចូលទស្សនា ជាង ២ លានដងនៅលើ Chanel ផ្ទាល់ខ្លួនលោក។
ងួន ចាន់ដេវីត មានបទ និពន្ធថ្មីជាច្រើន ដែល លោក បាននិពន្ធ និងទទួលបានការគាំទ្រ ប៉ុន្តែថ្មីៗនេះបទ “រាំញីកែងជើង” ទទួលបានការគាំទ្រលើសលប់ រហូតដល់ នាយករដ្ឋមន្ត្រីខ្មែរ និងបណ្តាប្រទេសជិតខាងមួយចំនួនក៏រាំបទនេះដែរ។
អេដា “ទីនេះមានមនុស្សខូចចិត្ត” បទនិពន្ធថ្មីស្នាដៃ ហេង ពិទូ រួមជាមួយ អេដា កំពុងតែទទួលបានការគាំទ្រខ្លាំងពីសំណាក់យុវវ័យ។
វង្ស តារារតនា ត្រូវបានមហាជន ស្គាល់លោកខ្លាំងតាមរយៈបទ “ស៊ូឃ្លាត” និពន្ធដោយលោក Tin Mark។
Gimmy Kiss មានបទនិពន្ធថ្មីជាច្រើន ប៉ុន្តែក្នុងនោះបទ “baby I am sorry ” ទទួលបានការគាំទ្រខ្លាំងពីសំណាក់បងប្អូន ។
ម៉ា ច័ន្ទបញ្ញា កសាងកេរ្តិ៍ឈ្មោះតាមរយៈបទ “Forever Alone” ក្នុងនោះ បញ្ញា ធ្លាប់ប្រាប់មកកាន់ Sabay ថាមានជនជាតិចិនសុំសិទ្ធិបកប្រែបទនេះទៀតផង។
ចិត្ត កញ្ចនា ប្រាប់ថា “ស្នាមញញឹម” បទផ្លូវការដំបូងរបស់នាង ហើយក៏ទទួលបានការគាំទ្រពី Fans នាងច្រើនផងដែរ។
រុន ស៊ីរ៉ា ជាមួយនឹងបទ “ច្រណែនគេដែលមិនមែនជាខ្ញុំ” ត្រូវបានគេស្គាល់ខ្លាំងតាមរយៈបទនេះ ក្នុងកម្មវិធី Here My song និងជាម្ចាស់ជយលាភីផងដែរ។
ក្រុម cage pitch ប្រិយមិត្តស្គាល់ខ្លាំងតាមរយៈបទ “ធ្លាប់ទេ” ហើយបទនេះជាប់ជយលាភីលេខ១ ក្នុងកម្មវិធី The Mic Cambodia។
អ៊ួង សុរិយា “នឹកអូនបានត្រឹមស្រមៃ” មកដល់ពេលនេះមានអ្នក Cover បទលោកបាន ២០០នាក់ហើយ។ នេះបើតាមការផុសក្នុងបណ្ដាញសង្គម របស់លោក។ បទនេះទៀតសោត សុរិយា ធ្លាប់ប្រាប់មកកាន់ Sabay ថា ជារឿងផ្ទាល់ខ្លួនក្រោយបែកបាក់ស្នេហា ទើបនិពន្ធចេញជាបទនេះឡើង។
SED2R ត្រូវបានប្រិយមិត្តស្គាល់ក្រុមពួកគេ តាមរយៈបទ “CRUSH” ហើយបទនេះជាប់លេខ៣ក្នុងកម្មវិធី The MIC Cambodia ទៀតផង។
អត្ថបទ៖ ថា ម៉ាលីដា
វីដេអូ៖ យូធូប
No comments:
Post a Comment